પાટણ જિલ્લા મેડિકલ એસોસિએશન દ્વારા પાટણ કલેક્ટર ને આવેદનપત્ર આપ્યું

Jul 23, 2022 - 06:40

પાટણ જિલ્લા મેડિકલ એસોસિએશન દ્વારા પાટણ કલેક્ટરને આવેદનપત્ર આપ્યું રાજ્ય સરકાર દ્વારા દરેક હોસ્પિટલમાં ગ્રાઉન્ડ ફલોર પર ICU હોવુ જોઇએ તેમજ રાજયભરની હોસ્પિટલોને છ દિવસની અંદર તેનું પાલન કરવા નોટીસો મળી રહી છે . તેનો સમગ્ર રાજ્યમાં વિરોધ ઉભો થયો છે . જેમાં ઇન્ડિયન મેડીકલ એશોસિએશન ગુજરાત સ્ટેટ બ્રાન્ચ દ્વારા આજે શુક્રવાર 22 થી 23 જુલાઈના રોજ સવારે 8 કલાક સુધી એટલે કે 24 કલાક સુધી રાજ્યભરના 30 , 000 થી વધુ એલોપેથિક ડોકટરો બધી સેવાઓ ઇમર્જન્સી સહિત હડતાળ જાહેર કરવામાં આવી છે . જેમાં પાટણ શહેરના 180 મળી જિલ્લાના 275 જેટલા તબીબો દ્વારા ઓપીડી બંધ રાખવામાં આવી હતી . પાટણ મેડિકલ એસોસિએશનના સેક્રેટરી ર્ડા . જીતેન્દ્ર પટેલે જણાવ્યું હતું . કે તાજેતરમાં 30-06-2022ના રોજ ગુજરાત હાઇકોર્ટે રિટ પિટિશનમાં મૌખિક આદેશ દ્વારા રાજ્ય સરકાર દ્વારા ગ્રાઉન્ડ ફ્લોર પર ICU હોવું જોઇએ , હોસ્પિટલોને છ દિવસની અંદર તેનું પાલન કરવા નોટિસો મળી રહી છે . જે અતાર્કિક છે . તેનો અમલ શક્ય નથી અને તેના અમલથી ICU દર્દીઓમાં વધુ ચેપ થવાની સંભાવના છે . ICU બેડની સંખ્યામાં પણ ભારે ઘટાડો થશે . આઇસીયુમાં મૃત્યુદરનું વઘશે . આ આ હુકમ કરતા પહેલા ઇન્ડિયન મેડિકલ એસોસિએશન અથવા તેની કોઇપણ શાખાને સામેલ કર્યા કે તેને સાંભળ્યા વિના એકપક્ષીય રીતે પસાર કરવામાં આવ્યો છે . ત્યારે રાજ્ય સરકારના એકપક્ષીય નિર્દેશોનો સખત વિરોધ કરે છે . સરકારે તબીબી વ્યાવસાયિકો સહિત તમામ સંબંધિત વિભાગોના સભ્યોની બનેલી એક તકનીકી સમિતિની રચના કરવી જોઇએ અને સંબંધિત માર્ગદર્શિકા બનાવવાની જરૂર છે . આવી રાજ્ય સરકારની કનડગતને પાટણ જિલ્લા ડોક્ટરો દ્વારા પાટણ કલેક્ટર અને આવેદનપત્ર આપ્યું હતું અને સરકાર દ્વારા લેવામાં આવેલ નિર્ણય ઉપર પુનઃ વિચાર કરવા માંગ કરી હતી . જેમાં પાટણના તમામ ડોક્ટરો જોડાયા હતા અને તમામ હોસ્પિટલમાં ઓપીડી અને ઇમરજન્સી સેવાઓ પણ બંધ રહી હતી

---------------------------------------------------