શેર બજારમાં અંધાધૂંધી, ખુલ્યા સાથે જ સેન્સેક્સ 700 અંક તૂટ્યો,
શેરબજારમાં કડાકોઃ પાછલા ટ્રેડિંગના દિવસે ભારે ઘટાડાનો સામનો કર્યા બાદ ગુરુવારે ભારતીય શેરબજાર પણ તૂટતું જોવા મળી રહ્યું છે. સવારે 9.50 વાગ્યે સેન્સેક્સ 700.70 પોઇન્ટ લપસીને 70,800 પર પહોંચી ગયો હતો. તે જ સમયે, નિફ્ટી 238 પોઇન્ટના ઘટાડા સાથે 21,331 ના સ્તર પર આવી ગઈ છે.
PRATIK DESHMUKH 
શેરબજારમાં (Share Market) સતત બીજા દિવસે પણ તીવ્ર ઘટાડો જારી રહ્યો છે. બુધવારે બોમ્બે સ્ટોક એક્સચેન્જના 30 શેરવાળા સેન્સેક્સ BSE Sensex 1628 અંકના ઘટાડા સાથે બંધ થયા હતા, જ્યારે ગુરુવારે બજાર ખુલતાની સાથે જ તે 600 અંકોથી વધુ ઘટીને 71000 ની નીચે આવી ગયો હતો. નેશનલ સ્ટોક એક્સચેન્જનો નિફ્ટી (એનએસઇ નિફ્ટી)એ પણ 150 પોઇન્ટથી વધુનો બ્રેક કરીને ટ્રેડિંગ શરૂ કર્યું હતું.
સેન્સેક્સ-નિફ્ટી ખુલવાની સાથે જ ગબડેલા નબળા વૈશ્વિક સંકેતો વચ્ચે શેરબજારમાં પણ ગુરુવારે ઘટાડો જોવા મળી રહ્યો છે
. સેન્સેક્સ 523.06 અંક એટલે કે 0.73 ટકાના ઘટાડા સાથે 70,977.70 પર ખુલ્યો, જ્યારે નિફ્ટી બજાર ખુલતાની સાથે જ 153.70 અંક એટલે કે 0.71 ટકાના ઘટાડા સાથે 21,418.30 ના સ્તર પર ખુલ્યો. આ સમાચાર લખાયા ત્યાં સુધીમાં સેન્સેક્સ સવારે 9.50 વાગ્યે 700.70 પોઇન્ટ લપસીને 70,800 પર આવી ગયો હતો. તે જ સમયે, નિફ્ટી 238 પોઇન્ટના ઘટાડા સાથે 21,331 ના સ્તર પર આવી ગઈ છે.
ગુરુવારે માર્કેટ વેલ્યુની દ્રષ્ટિએ દેશની સૌથી મોટી એચડીએફસી બેંકના શેરમાં મોટો ઘટાડો જોવા મળી રહ્યો છે અને તે 10 મિનિટના કારોબારમાં 2 ટકાથી વધુ તૂટી ગઈ છે. સવારે 9.10 વાગ્યે તે 2.42 ટકાના ઘટાડા સાથે 1502.95 રૂપિયા પર ટ્રેડ કરી રહ્યો હતો. બુધવારે તેમાં 8 ટકાથી વધુનો ઘટાડો થયો હતો અને એચડીએફસીની માર્કેટ કેપ (એચડીએફસી એમકેપ)માં 1 લાખ કરોડ રૂપિયાનો ઘટાડો થયો હતો. એચડીએફસી બેન્ક ઉપરાંત LTIMINDTREE, પાવર ગ્રીડ કોર્પ, એશિયન પેઇન્ટ્સ અને એસબીઆઇ લાઇફ ઇન્શ્યોરન્સના શેર લાલ નિશાન પર કારોબાર કરી રહ્યા છે.
શેરબજારમાં જ્યારે ટ્રેડિંગ શરૂ થયું ત્યારે લગભગ 1375 શેરોએ લીલા નિશાનની શરૂઆત કરી હતી, જ્યારે 876 શેરો લાલ નિશાન પર દેખાયા હતા. નિફ્ટીમાં અદાણી પોર્ટ્સ, અપોલો હોસ્પિટલ્સ, અલ્ટ્રાટેક સિમેન્ટ, કોલ ઇન્ડિયા અને રિલાયન્સ ઇન્ડસ્ટ્રીઝના શેર વધારા સાથે કારોબાર કરી રહ્યા હતા.
ઉલ્લેખનીય છે
કે બુધવારે શેરબજારમાં બુધવારે નવા વર્ષનો સૌથી મોટો ઘટાડો જોવા મળ્યો હતો. બીએસઇ સેન્સેક્સ 1628 અંક એટલે કે 2.23% ઘટીને 71,500 પર બંધ થયો છે. બીએસઇના ટોપ 30માંથી 23 શેર લાલ નિશાન પર હતા, જ્યારે માત્ર 7 શેર ગ્રીન ઝોનમાં બંધ થયા હતા. તો બીજી તરફ નિફ્ટી 460.35 અંક એટલે કે 2.09% ઘટીને 21,571.95 ના સ્તર પર બંધ થયા છે.
(નોંધ- શેરબજારમાં કોઈ પણ પ્રકારનું રોકાણ કરતા પહેલા તમારા બજારના નિષ્ણાતોની સલાહ લો.)
