વાહન અને મોબાઇલ ચોરીની ફરિયાદ ઓનલાઈન થઈ શકશે : કડોદરા પોલીસે આપ્યું માર્ગદર્શન
વાહન અને મોબાઇલ ચોરીની ફરિયાદ ઓનલાઈન થઈ શકશે : કડોદરા પોલીસે આપ્યું માર્ગદર્શન
admin
0
બારડોલી : સુરત જિલ્લાના કડોદરા પોલીસ મથક ખાતે eFIR ને લઇ ને જરૂરી માર્ગદર્શન અપાયું હતું. હવેથી જનતાએ વાહન ચોરી, મોબાઈલ ચોરી માટે પોલીસ મથકે નહીં જવું પડે પરંતુ સીટીઝન ફર્સ્ટ મોબાઈલ એપ અને નાગરિક સીટીઝન પોર્ટલ પર ઓનલાઈન ફરિયાદ કરી શકશે.
સુરત જિલ્લાના કડોદરા પોલીસમાં પોલીસકર્મીઓને માર્ગદર્શન કાર્યક્રમનું આયોજન કરવામાં આવ્યું હતું. પોલીસ પણ હવે ડિજિટલ બનતા એ સેવાનો કઇ રીતે ઉપયોગ કરવો અને કામગીરી અંગે તાલીમ લીધેલ પોલીસ કર્મી દ્વારા અન્ય પોલીસકર્મીઓને માહિતગાર કરવામાં આવ્યા હતા. ખાસ કરીને હવે વાહન ચોરી, મોબાઈલ ચોરીના ગુનાઓમાં નાગરિકોએ પોલીસ મથક જવાની જરૂર નહીં રહે. કારણ આવી ફરિયાદોમાં સીટીઝન ફર્સ્ટ મોબાઈલ એપ અને નાગરિક સીટીઝન પોર્ટલ પર નાગરિકો સીધી ફરિયાદ કરી શકશે અને નિયત સમયમાં જેતે પોલીસ મથકમાં એ ફરિયાદ મોકલવામાં આવશે. 48 કલાકમાં ફરિયાદ અંગે જરૂરી તપાસ અને ખરાઈ કરી ફરિયાદીને પ્રતિસાદ આપવાનું નક્કી કરાયું છે. જેથી હવે નાગરિકોને ઘર બેઠા સુવિધા મળશે પણ સાથે પોલીસ ફરિયાદ નહીં લેતી હોવાનું રટણ બંધ થશે અને પોલીસકર્મીઓ પણ સજાગ બનવાના હેતુ જોવા મળી રહ્યો છે.
