મઢી સુગર ફેક્ટરીના બગાસના ગોડાઉનમાં આગ લાગતાં અફરાતફરી : 6 કલાકે આગ પર કાબૂ મેળવાયો
મઢી સુગર ફેક્ટરીના બગાસના ગોડાઉનમાં આગ લાગતાં અફરાતફરી : 6 કલાકે આગ પર કાબૂ મેળવાયો
admin
0
મઢી સુગર ફેક્ટરી ખાતે બગાસના ગોડાઉનમાં આગ લાગતાં અફરાતફરી મચી ગઈ હતી. બારડોલી ફાયર વિભાગની ટીમે સ્થળ પર પહોંચી પાંચ થી 6 કલાકની જહેમત બાદ આગ પર કાબૂ મેળવ્યો હતો.આ અંગે મળતી માહિતી અનુસાર બારડોલી તાલુકાનાં મઢી ખાતે આવેલી મઢી સુગર ફેક્ટરીના બોયલર પ્લાન્ટ પાસે બગાસના ગોડાઉનમાં શનિવારે સવારે સાડા સાત વાગ્યાની આસપાસ અચાનક આગ લાગી ગઈ હતી. સૌપ્રથમ સ્થાનિકોએ આગ બૂઝવવાનો પ્રયાસ કર્યો પરંતુ બગાસને કારણે આગ વધુ ઝડપથી પ્રસરવા લાગી હતી. આથી સુગર ફેક્ટરીના સેફ્ટી ઓફિસર નીરવભાઈ ભાવસારે બારડોલી નગરપાલિકાની ફાયરની ટીમને જાણ કરી હતી. આથી ફાયર વિભાગની ત્રણ ગાડીઓ સ્થળ પર પહોંચી આગ બૂઝવવાની કામગીરી શરૂ કરી હતી. અંદાજિત 36 હજારથી 40 હજાર લિટર પાણીનો છંટકાવ કરી આગ પર કાબૂ મેળવ્યો હતો. 6 કલાકની જહેમત બાદ આગ કાબૂમાં આવતા સુગર ફેક્ટરીના તંત્રને રાહતનો શ્વાસ લીધો હતો. આગથી કોઈ જાનહાનિ થઈ ન હોવાનું ફાયર વિભાગ દ્વારા જણાવવામાં આવ્યું હતું. આગનું કારણ અને નુકસાન અંગે હાલ સુધી કોઈ જાણકારી મળી શકી નથી.
