"સાન્તાક્લોઝને સાન્તાકુંજ મોકલવો જોઈએ..." બાબા બાગેશ્વર ધીરેન્દ્ર શાસ્ત્રીનું વિવાદિત નિવેદન

બાગેશ્વર ધામના પીઠાધિશ્વર ધીરેન્દ્ર શાસ્ત્રી ફરી એકવાર પોતાના નિવેદનને કારણે ચર્ચામાં આવ્યા છે. 25 ડિસેમ્બર એટલે કે ક્રિસમસ-ડેના દિવસે ધીરેન્દ્ર શાસ્ત્રીએ કહ્યું હતું કે આજે સાંતાક્લોઝને સાંતા કુંજ મોકલવો જોઇએ. આજે સાંતાક્લોઝ આવીને લાકડી સાથે બાંધેલી ટોફી લાવશે. તેઓ (ખ્રિસ્તીઓ) બે ટકા છે, જ્યારે તેઓ રામનવમીની ઉજવણી કરી શકતા નથી, તો પછી આપણે શા માટે 98 ટકા નાતાલની ઉજવણી કરવી જોઈએ?

મધ્ય પ્રદેશના કટનીમાં એક આશ્રમનું ભૂમિ પૂજન કરવા પહોંચેલા ધીરેન્દ્ર શાસ્ત્રીએ પોતાના 'દિવ્ય દરબાર' વિશે જણાવ્યું હતું કે, "આ પત્રિકા એક બહાનું છે. વાસ્તવિકતા એ છે કે ભારતના હિન્દુઓને જાગૃત કરવા.

શાસ્ત્રીએ પોતાની પરિચિત શૈલીમાં કહ્યું કે, "અમે કોઈને બદનામ નથી કરી રહ્યા અને અમે કોઈ ધર્મની વિરુદ્ધ નથી, અમે માત્ર અમારા ધર્મનો પ્રચાર કરી રહ્યા છીએ.

ધીરેન્દ્ર શાસ્ત્રી આજે સવારે કુથલા વિસ્તારમાં બનવા જઈ રહેલા બાગેશ્વર ધામ આશ્રમનું ભૂમિ પૂજન કરવા કટની પહોંચ્યા હતા. ભૂમિ પૂજન કાર્યક્રમમાં મોટી સંખ્યામાં ભક્તો ઉમટી પડ્યા હતા.

લોકો પ્રખ્યાત વાર્તા કથાકાર ધીરેન્દ્ર શાસ્ત્રીની એક ઝલક મેળવવા માટે ઉત્સુક હતા. બાબા બાગેશ્વરે સ્ટેજ પર પહોંચી સૌની શુભેચ્છા સ્વીકારી હતી. બાબા બાગેશ્વરે ધર્મપ્રેમી જનતાને ધર્મનો પાઠ ભણાવ્યો હતો. આ દરમિયાન જય શ્રી રામના નારા લાગ્યા હતા. ભૂમિ પૂજન કાર્યક્રમ દરમિયાન જિલ્લા પોલીસ પ્રશાસને સુરક્ષાની ભારે વ્યવસ્થા કરી હતી