Hondaનું સ્પોર્ટી લુક સાથેનું નવું 110 cc સ્કૂટર લોન્ચ
Hondaનું સ્પોર્ટી લુક સાથેનું નવું 110 cc સ્કૂટર લોન્ચ
admin
0
Honda Motorcycle and Scooter India એ ભારતીય બજારમાં Honda Dio Sports નામના તેના Dio સ્કૂટરની લિમિટેડ એડીશન લોન્ચ કરી છે. તેની એક્સ-શોરૂમ કિંમત ₹68,317 થી ₹73,317 સુધીની છે. તે સ્ટ્રોન્ટિયમ સિલ્વર મેટાલિક અને સ્પોર્ટ્સ રેડ સાથે બ્લેકના બે કલર ઓપ્શનમાં આવી રહ્યાં છે.
Dio Sports નો લુક
આ સ્પેશિયલ એડિશન સ્કૂટર હોન્ડા ડીલરશીપ અથવા ઓનલાઈન પણ બુક કરી શકાય છે. તેમાં સ્પોર્ટિંગ ગ્રાફિક્સ અને સ્પોર્ટ રેડ રિયર સસ્પેન્શન છે. સ્કૂટરના મૂળભૂત સિલુએટ અને અન્ય મિકેનિકલ બિટ્સ પ્રમાણભૂત મોડલ જેવા જ રહે છે. તેના ડીલક્સ વેરિઅન્ટમાં સ્પોર્ટી એલોય વ્હીલ્સ આપવામાં આવ્યા છે.
Dio Sports ના ફીચર્સ
આ નવા સ્કૂટરમાં 110cc PGM-FI એન્જિન છે જે બેસ્ટ સ્માર્ટ પાવર (eSP) સાથે આવી રહ્યાં છે. તેમાં કોમ્બી-બ્રેક સિસ્ટમ (સીબીએસ) ઇક્વિલાઇઝર, ટેલિસ્કોપિક સસ્પેન્શન, એક્સટર્નલ ફ્યુઅલ લિડ, ત્રણ સ્ટેપ એડજસ્ટેબલ રિયર સસ્પેન્શન, ઇન્ટિગ્રેટેડ ડ્યુઅલ ફંક્શન સ્વિચ, પાસિંગ સ્વિચ અને સાઇડ સ્ટેન્ડ ઇન્ડિકેટર સાથે એન્જિન કટ-ઑફ અને ત્રણ સ્ટેપ ઇકો ઇન્ડિકેટર મળે છે.
નવી જનરેશન માટે તૈયાર કરવામાં આવી છે
કંપનીના મેનેજિંગ ડાયરેક્ટર, પ્રેસિડેન્ટ અને સીઈઓ અત્સુશી ઓગાટાએ જણાવ્યું કે આ સ્કૂટરને તેની શરૂઆતથી જ લોકોએ ખૂબ જ પસંદ કર્યું છે. તેણે કહ્યું, નવી ડિઓ સ્પોર્ટ્સ નવા રંગ વિકલ્પમાં યુવા અને શૈલીનું શ્રેષ્ઠ સંયોજન છે. અમને ખાતરી છે કે આ લિમિટેડ એડિશનનો સ્પોર્ટી વાઇબ અને ટ્રેન્ડી લુક કસ્ટમરને વધુ પસંદ આવશે.
