જાણો કોણે ભારતને સ્વતંત્રતા દિવસની શુભેચ્છા પાઠવી કહ્યું સાથે મળીને કામ કરવાનું ચાલુ રાખીશું
યુનાઇટેડ સ્ટેટ્સ ભારતના લોકો સાથે તેની લોકશાહી યાત્રાને સન્માનિત કરવા માટે જોડાયું છે
IAMSURAT - Admin 
રાષ્ટ્રપ્રમુખ બિડેને કહ્યું કે અમેરિકા તેની લોકતાંત્રિક યાત્રાના સન્માનમાં ભારતના લોકો સાથે જોડાયું છે. સાથે જ કહ્યું કે અમેરિકા સત્ય અને અહિંસાના મહાત્મા ગાંધીના બતાવેલા માર્ગ પર ભારતના લોકોની સાથે ચાલી રહ્યું છે.
અમેરિકી રાષ્ટ્રપ્રમુખ જો બિડેને ભારતને તેના 76મા સ્વતંત્રતા દિવસના અવસર પર અભિનંદન પાઠવ્યા છે. તેમણે કહ્યું કે ભારતીય-અમેરિકન સમુદાયે અમેરિકાને વધુ સમાવેશી અને મજબૂત રાષ્ટ્ર બનાવ્યું છે અને આવનારા વર્ષોમાં વૈશ્વિક પડકારોનો સામનો કરવા માટે સાથે મળીને કામ કરવાનું ચાલુ રાખશે. અમેરિકી રાષ્ટ્રપ્રમુખ જો બિડેને કહ્યું કે ભારતીય-અમેરિકનો સહિત વિશ્વભરના લોકો ભારતની આઝાદીની 75મી વર્ષગાંઠની ઉજવણી કરે છે, ત્યારે યુનાઇટેડ સ્ટેટ્સ ભારતના લોકો સાથે તેની લોકશાહી યાત્રાને સન્માનિત કરવા માટે જોડાયું છે. સાથે જ કહ્યું કે અમેરિકા સત્ય અને અહિંસાના મહાત્મા ગાંધીના બતાવેલા માર્ગ પર ભારતના લોકોની સાથે ચાલી રહ્યું છે.
તેમણે વધુમાં કહ્યું કે આ વર્ષે ભારત અને અમેરિકા રાજદ્વારી સંબંધોની 75મી વર્ષગાંઠની પણ ઉજવણી કરી રહ્યા છે. ભારત-યુએસને અનિવાર્ય ભાગીદારો તરીકે વર્ણવતા, બિડેને વધુમાં જણાવ્યું હતું કે તેમની વ્યૂહાત્મક ભાગીદારી કાયદાના શાસન અને માનવ સ્વતંત્રતા અને ગૌરવને પ્રોત્સાહન આપવા માટે સહિયારી પ્રતિબદ્ધતા પર આધારિત છે. તેમણે કહ્યું કે અમારા લોકો વચ્ચેના ઊંડા બંધનથી અમારી ભાગીદારી વધુ મજબૂત બની છે. યુનાઇટેડ સ્ટેટ્સમાં જીવંત ભારતીય-અમેરિકન સમુદાયે અમને વધુ નવીન, સમાવેશી અને મજબૂત રાષ્ટ્ર બનાવ્યું છે.
એન્ટોની બ્લિંકન ભારતના લોકોને શુભેચ્છા પાઠવી હતી
યુએસ સેક્રેટરી ઓફ સ્ટેટ એન્ટની બ્લિંકને પણ 76માં સ્વતંત્રતા દિવસ પર ભારતના લોકોને શુભેચ્છા પાઠવી હતી અને 75 વર્ષના રાજદ્વારી સંબંધોને "અર્થપૂર્ણ" ગણાવ્યા હતા. એ પણ કહ્યું કે અમારી વ્યૂહાત્મક ભાગીદારી આબોહવાથી લઈને વેપાર સુધી જીવંત છે. તેમણે કહ્યું કે મને વિશ્વાસ છે કે, બે મહાન લોકશાહી તરીકે અમારી ભાગીદારી અમારા લોકોની સુરક્ષા અને સમૃદ્ધિ અને વૈશ્વિક ભલાઈમાં યોગદાન આપતી રહેશે.
IAMSURAT સાથે જોડાઓ : FACEBOOK / TWITTER / INSTAGRAM / WHATSAPP
