PFની વેબસાઈટ પર થયો સાઈબર એટેક, 28 કરોડથી વધુ ખાતાધારકોની માહીતી થઈ લીક
PFની વેબસાઈટ પર થયો સાઈબર એટેક, 28 કરોડથી વધુ ખાતાધારકોની માહીતી થઈ લીક
admin
0
પ્રોવિડન્ટ ફંડ (PF)ના 28 કરોડથી વધુ ખાતાધારકોના ખાતાની માહિતી લીક થઈ છે. રિપોર્ટ અનુસાર, PF વેબસાઈટનું આ હેકિંગ આ મહિનાની શરૂઆતમાં થયું હતું. યુક્રેનના સાયબર સુરક્ષા સંશોધક રીસર્ચર Bob Diachenko આ અંગે માહીતી આપી છે. બોબે આ હેકિંગ વિશે 1 ઓગસ્ટ, 2022ના રોજ એક LinkedIn પોસ્ટ દ્વારા માહિતી આપી હતી. આ ડેટા લીકમાં UAN નંબર, નામ, વૈવાહિક સ્થિતિ, આધાર કાર્ડની સંપૂર્ણ વિગતો, લિંગ અને બેંક ખાતાની સંપૂર્ણ વિગતો શામેલ છે. ડિયાચેન્કોના જણાવ્યા અનુસાર, આ ડેટા બે અલગ-અલગ IP એડ્રેસ પરથી લીક થયો છે. આ બંને IP માઇક્રોસોફ્ટના Azure ક્લાઉડ સાથે જોડાયેલા હતા.પ્રથમ IPમાંથી 280,472,941 ડેટા અને બીજા IPમાંથી 8,390,524 ડેટા લીક થયાના અહેવાલ છે. હજુ સુધી હેકરની ઓળખ થઈ શકી નથી, જેના પછી આ ડેટા પહોંચ્યો છે. આ સિવાય હજુ સુધી DNS સર્વરની માહિતી મળી નથી.28 કરોડ યુઝર્સનો ડેટા ઓનલાઈન ક્યારે ઉપલબ્ધ છે ત્યારથી અત્યાર સુધી આ અંગે કોઈ માહિતી મળી નથી. હેકર્સ આ ડેટાનો ખોટો ઉપયોગ પણ કરી શકે છે. લીક થયેલી માહિતીના આધારે લોકોની નકલી પ્રોફાઇલ બનાવી શકાય છે.Bob Diachenkoએ ઈન્ડિયન કોમ્પ્યુટર ઈમરજન્સી રિસ્પોન્સ ટીમ (CERT-In)ને પણ આ ડેટા લીક અંગે જાણ કરી છે. રિપોર્ટ મળ્યા પછી CERT-IN એ સંશોધકને ઈ-મેલ દ્વારા અપડેટ આપ્યું છે. CERT-IN એ કહ્યું છે કે બંને IP એડ્રેસ 12 કલાકની અંદર બ્લોક કરી દેવામાં આવ્યા છે. હજુ સુધી કોઈ એજન્સી કે હેકરે આ હેકિંગની જવાબદારી લીધી નથી.
