વંદે ભારત ટ્રેન માં ખરાબ ખોરાક વિશે વીડિયો વાયરલ, IRCTCએ ટ્વીટ પર આપ્યો જવાબ
વંદે ભારત ટ્રેનનો એક વીડિયો વાયરલ થઇ રહ્યો છે. વીડિયોમાં જોઈ શકાય છે કે, એક મુસાફર વંદે ભારતમાં પીરસવામાં આવતા ભોજન અંગે ફરિયાદ કરી રહ્યો છે. વીડિયોમાં પેસેન્જર દાવો કરતો જોવા મળી રહ્યો છે કે શાકમાં ખરાબ વાસ આવે છે અને દાળ ખરાબ છે.
Payal Shah 
વંદે ભારત ટ્રેનની ગણતરી દેશની પ્રીમિયમ ટ્રેનોમાં થાય છે. તેની સુંદરતા, વ્યવસ્થા અને સ્પીડના તો સૌ કોઈ વખાણ કરે છે, પરંતુ આ સમયે આ ટ્રેનનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં જોઈ શકાય છે કે ટ્રેનમાં મુસાફરી કરી રહેલા એક મુસાફરને વંદે ભારતમાં મળતા ભોજનની ફરિયાદ છે. આ વીડિયોને ટ્વિટર યૂઝર @kapsology શેર કર્યો છે.
વીડિયોમાં જોઈ શકાય છે કે મુસાફરો ભોજનને લઈને ગુસ્સામાં છે. @kapsology દ્વારા ટ્વિટમાં બે વીડિયો જોઇ શકાય છે. એક વીડિયોમાં પેસેન્જરને જમવાને લઈને ગુસ્સો જોવા મળી રહ્યો છે. સાથે જ બીજા વીડિયોમાં ખાવાનું તો કોઇનો અવાજ આવી રહ્યો છે. વીડિયોમાં કહેવામાં આવી રહ્યું છે કે શાકભાજીમાંથી દુર્ગંધ આવે છે અને દાળ ખરાબ છે.
સોશિયલ મીડિયા પર વાયરલ થઈ રહેલા આ વીડિયો પર IRCTCએ જવાબ આપ્યો છે. આઈઆરસીટીસીએ કોમેન્ટ સેક્શનમાં ટ્રેનનો પીએનઆર નંબર અને ફરિયાદીનો મોબાઈલ નંબર માંગ્યો છે. આઈઆરસીટીસીએ કહ્યું છે કે તમે તમારો પીએનઆર નંબર અને મોબાઈલ નંબર શેર કરો જેથી આ મામલાની તપાસ થઈ શકે અને કાર્યવાહી થઈ શકે. તમને જણાવી દઈએ કે, સોશિયલ મીડિયા પર જે વીડિયો વાયરલ થઈ રહ્યો છે તે એ છે, જ્યાંથી હજુ સુધી તેની પુષ્ટિ થઈ નથી.
