અધૂરી ઊંઘ માનસિક સ્વાસ્થ્ય માટે જોખમી! જાણો વ્યક્તિ માટે કેટલા સમય સુધી સૂવું જરૂરી છે

આજની ભાગદોડભરી જિંદગીમાં ભાગ્યે જ કોઈ વ્યક્તિ પોતાની ઊંઘ પૂરી કરી શકશે. વ્યસ્ત જીવનને કારણે મોટાભાગના લોકો પોતે જ અધૂરી ઊંઘ લેતા હોય છે. આપણને લાગે છે કે એક નાનકડી ઊંઘ પણ આપણા મગજને તાજું કરી શકે છે, પરંતુ એવું થતું નથી. દરેક વ્યક્તિએ પોતાની ઉંમર પ્રમાણે પૂરતી ઊંઘ લેવી જોઈએ. જો આપણે આપણી પૂરી ઊંઘ ન લઈએ તો તેની સીધી અસર આપણા માનસિક સ્વાસ્થ્ય પર પડે છે. અધૂરી ઊંઘને કારણે ઘણા માનસિક વિકારો પેદા થાય છે.

અધૂરી ઊંઘ કેમ જોખમી છે?
સંપૂર્ણ ઊંઘ લેવાથી તમારું મગજ યોગ્ય રીતે કામ કરે છે. સાથે જ જો તમે અધૂરી ઉંઘ લઈ રહ્યા છો તો તમારા સ્વભાવમાં ચીડિયાપણું, ગુસ્સો અને થાક પણ આવી જાય છે. સાથે જ જ્યારે તમારું મગજ યોગ્ય રીતે કામ નથી કરતું તો તમે કોઈ પણ નિર્ણય યોગ્ય રીતે નથી લઈ શકતા. તે તમારા વ્યાવસાયિક અને વ્યક્તિગત જીવનને અસર કરે છે. અધૂરી ઊંઘને કારણે તમે તમારી કારકિર્દી અને તમારા અંગત જીવનના સંબંધોને દાવ પર લગાવી શકો છો.

સાથે જ અધૂરી ઊંઘ તમારા જીવનમાં તણાવ વધારે છે. માનસિક સ્વાસ્થ્ય વિશેષજ્ઞો અનુસાર અધૂરી ઉંઘથી વ્યક્તિમાં ચિંતા અને ડિપ્રેશન જેવી સમસ્યા પણ થઇ શકે છે. જો તમે સફળ અને સુખી જીવન જીવવા માંગો છો તો તમારે પોતાની ઉંઘનું ખૂબ જ ધ્યાન રાખવું જોઈએ. વ્યક્તિએ કેટલી ઊંઘ લેવી જોઈએ તે તમારી ઉંમર પર નિર્ભર કરે છે. આવો જાણીએ ઉંમર પ્રમાણે વ્યક્તિ માટે કેટલી ઊંઘ જરૂરી છે.

4 મહિનાથી 12 મહિનાના બાળક માટે 12થી 16 કલાકની ઊંઘ જરૂરી છે. સાથે જ 1થી 2 વર્ષના બાળક માટે 11થી 14 કલાકની ઊંઘ જરૂરી છે. ત્રણથી પાંચ વર્ષના બાળકોને ૧૦ થી ૧૩ કલાકની ઉંઘની જરૂર હોય છે. ૬ થી ૧૨ વર્ષની વયના બાળકોને ૯ થી ૧૨ કલાકની ઉંઘની જરૂર હોય છે. ૧૩ થી ૧૮ વર્ષની વયના બાળકોને ૮ થી ૧૦ કલાકની ઉંઘની જરૂર હોય છે. સાથે જ 18 વર્ષથી વધુ ઉંમરના લોકો માટે 7થી 8 કલાકની ઊંઘ લેવી ખૂબ જ જરૂરી છે.